საქართველოს პრეზიდენტის ინიციატივია, რომელიც ქობულეთში ე.წ "ფიჭვნარის" ტერიტორიზე ასაშენებელი სასტუმროების მფლოებელებს მოგებისა და ქონების გადასახადებისგან გაანთავისუფლებს, საგადასახადო კოდექსში ცვლილებებს საჭიროებს. პრეზიდენტის ინიციატივა "თავისუფალი ტურისტულ ზონაში" შეღავათების შესახებ ჯერჯერობით დაკანონებული არ არის
მთავრობამ "თავისუფალი ტურისტული ზონის" შექმნის პროექტი მოიწონა და ფინანსთა მინისტრის კახა ბაინდურაშვილის უწყებას "საგადასახადო კოდექსში" ცვლილებების შესატანად კანონპროექტის მომზადება დაავალა.
ფინანსთა სამინისტროს მიერ საკანონმდებლო ინიციატივის მომზადებისა და მთავრობის მიერ მისი მოწონების შემთხვევაში კანონპროექტი დასამტკიცებლად საკანონმდებლო ორგანოს გადაეგზავნება.
ექსპერტების განმარტებით, პრეზიდენტის ინიციატივა საკმაოდ პოზიტურია, თუმცა ინვესტორებს 2011 წლის 1 აგვისტომდე სასტუმროკომპლექსების მშენებლობა, მცირე დროის გამო შესაძლოა შეუფერხდეთ. ინვესტორსა და მთავრობას შორის გაფორმდება ხელშეკრულება, რომლითაც ინვესტორი ვალდებულებას აიღებს, რომ 9 თვეში ახალ სასტუმროს ააშენებს, თუმცა თუ კონტაქტი დაირღვევა მაშინ ინვესტორს ფინანსური სანქციის დაწესება არ ასცდება.
მათივე განცხადებით, თუ კი საკანონმდებლო ინიციატივა დროულად არ იქნება მომზადებული, შესაძლოა მთავრობამ პირობის კორექტირება მოახდინოს, რითაც ისევ ბიზნესი დაზარალდება.
აქვე გასათვალისწინებელია, ის გარემოებაც, რომ მოკლე ვადაში ივესტიციების მოზიდვას და თან იმ პირობებში, როდესაც პროექტი ჩაშვებულია, ხოლო საგადასახადო შეღავათები დაკანონებული არ არის გარკვეული რისკის ქვეშ აყენებს.
ექსპერტების განმარტებით, პოტენციურ ინვესტორებს შესაბამისი გარანტიები ესაჭიროებათ.
შეგახსენებთ, რომ პრეზიდენტის ინიციატივით ქობულეთში "თავისუფალი ტურისტული ზონა" იქმნება. ზონის განვითარების მიზნით, ე.წ "ფიჭვნარის" ტერიტორიზე, ზღვიდან 140 მ-ის დაშორებით, ახალი სასტუმროების მშენებლბისთვის მთავრობამ პოტენციურ ინვესტორებს განსხვავებული შეღავათები შესთავაზა.
პროექტის თანახმად, ე.წ "ფიჭვნარის" ტერიტორიზე, გამოყოფილია მიწის 3 ნაკვეთი (საერთო ფართით 11,3 ჰა), რომლებზედაც დაგეგმილია 27 სასტუმრო კორპუსის მშენებლობა.
განსაზღვრულია სასტუმრო კორპუსების 3 ტიპი. მშენებლობის მსურველს შეუძლია არჩევანი გააკეთოს. დადგენილია სასტუმრო კორპუსების სართულიანობაც: 5, 6 ან 7 სართული (42, 52 ან 60 ნომერი).
საპროექტო-სამშენებლო დოკუმენტაციის სრული პაკეტი მთავრობას მზად 24 სექტემბრისთვის ექნება, თუმცა დამკვეთის სურვილის შესაბამისად პროექტში გარკვეული ცვლილებების შეტანა შეეძლება.
პროექტის თანახმად, სამშენებლო მიწის ნაკვეთის განკარგვა განხორციელდება სიმბოლურ ფასად, დამტკიცებული საპროექტო-სამშენებლო დოკუმენტაცია დამკვეთს გადაეცემა უსასყიდლოდ: ტერიტორია უზრუნველყოფილი იქნება საინჟინრო-კომუნალური ქსელებით და სათანადო ინფრასტრუქტურით.
იმ შემთხვევაში, თუ მშენებლობა დამთავრდება და ობიექტი ექსპლუატაციაში შევა 2011 წლის 1 აგვისტომდე, ინვესტორი 15 წლით მოგებისა და ქონების გადასახადებისაგან გათავისუფლდება.
ინვესტორებს განაცხადების წარდგენა 30 ოქტომბრამდე შეუძლიათ.