თურქეთი საქართველოს საკრუიზო გემების ერთიან სისტემაში ჩართვაში დაეხმარება. აღნიშნულის შედეგად აჭარაში გაცილებით მეტი საკრუიზო გემის შემოსვლა გახდება შესაძლებელი.
უახლოეს დღეებში ოდესაში იმართება სპეციალური შეხვედრა, სადაც იგეგმება საკრუიზო გემების მიმოსვლის მარშუტი და აქ თურქეთი შეეცდება "ერთი ტურისტი ორი ქვეყანა"-ს ფარგლებში ბათუმის პორტს გაცილებით მეტმა საკრუიზო გემმა მიაკითხოს.
იზმირის სავაჭრო პალატის ხელძღვანელის ეზრემ დემურთაშის განცხადებით, აჭარაში მეტი საკრუიზო გემის შემოსვლა იმისწინაპირობა გახდება, რომ აჭარა ტურისტულად კიდევ უფრო განვითარდეს. ბათუმის პორტი გაფართოვდეს რათა მათ გაცილებით მეტი გემის მიღება შეძლოს.
"ჩვენ აქტიურად ვთანამშრომლობთ იტალიურ ტურისტულ კომპანია "კოსტართან" და ეხლა შევეცდებით რომ ამ იტალიურმა კომპანიამ საქართველოსთანაც აქტიურად ითანამშრომლოს და ამ საკითხებზე ჩვენ იტალიური კომპანიის წარმომადგენლებს ოდესაში დაგეგმილ შეხევდრაზე დაველაპარაკებით და ამის შემდეგ გადაწყდება დამატებით თუ რა რაოდენობით საკრუიზო გემი შემოვა ბათუმში", - განაცხადა იზმირის სავაჭრო პალატის ხელმძღვანელმა.
