ქართული ბამბუკის გადამამუშავეელი საწარმო "ამმა" თურქ ბიზნესმენებთან სამომავლოდ პარტნიორობას გეგმავს.
კომპანიის მენეჯმენტის განცხადებით, თურქი დისტრიბუტორები და სამშენებლო კომპანიის წარმომადგენლები დაინტერესებულნი არიან თურქეთში "ამმა"-ს მიერ წარმოებული იატაკის ფილები გაიტანონ.
კომპანიაში განმარატვენ, რომ დაინტერესება სამი თუთრქული კომპანიისგან მოდის და დღის ბოლომდე გაირკვევა, თუ რა მოცულობის პროდუქციას გაიტანს "ამმა" თურქეთის ბაზარზე.
კომპანია "ამმა" ქართულ ბაზარზე 2005 წლიდან ოპერირებს, თავდაპირევლად საწარმომ ბამბუკის გრეხილი ავეჯის წარმოება დაიწყო, თუმცა მზარდი მოთხოვნის საფუძველზე, კომპანიამ ბამბუკის დაფების წარმოება დაიწყო, რომლის 80 პროცენტსაც ექსპორტზე სომხეთში, აზერბაიჯანში და კვიპროსში ყიდის. სამომავლოდ კი იმედი აქვს თურქეთის ბაზარზეც შეაღწევს, სადაც ბამბუკის იატაკის დაფებზე დიდი მოთხოვნაა.
შეგახსენებთ, რომ საქართველო თურქ ბიზნესმენებს მასპინძლობს. თურქი ბიზნესმენები წარმოადგენენ მშენებლობისა და სამშენებლო მასალის, უძრავი ქონების, ფეხსაცმელისა და ჩანთების წარმოების, რესტორნების და კაფეების, კვების პროდუქტების, შინაური ფრინველისა და კვერცხის, ტკბილეულის, ავტომობილების ნაწილების, სოფლის მეურნეობის პროდუქტების, საქორწილო კაბების, საიუვილერო ნაწარმის წარმოების, აუდიტორული, კომპიუტერული, ბეჭდვითი მომსახურების (სტამბა), ბიოქიმიური და ჰემატოლოგიური რეაქტივებისა და დანადგარები, მძიმე მრეწველობის, (წიაღისეული, შავი ლითონი), საგანმანათლებლო და სოციალური მომსახურებსი სექტორებს