როგორც სააგენტო ჯი-ეიოჩ-ენ-თან საუბრისას ვისოლის ხელმძღვანელმა ვასილ ხორავამ განაცხადა ხელისუფლებამ კანონში არსებული ხარვეზები კარგად დაინახა და მისი გამოსწორებით ბიზნესის განვითარებას შეუწყო ხელი.
"გადამხდელთა მომსაუხრეობის კუთხით ბოლო პერიოდში ბევრი სასიკეთო ცვლილება განხორციელდა. იგივე ელექტრონული დეკლარაციები, "ოქროს სია" და ამჯერად "წინასწაი გადაწყვეტილების გამოცემის წესი". ის რეგულაციები რაც აქამდე იყო ბიზნესისთვის იყო ხელისშემშლელი, რადგან ორაზროვანი მუხლების არსებობა ბიზნესს ხელს უშლიდა და ოფიციოზის მიერ გამოცემული განმარტებები არ იყო ოფიციალური დოკუმენტი და შესაბამისად ბიზნესი ხშირად სწორ გადაწყვეტილებას ვერ იღებდა", - განუცხადა "ჯი-ეიჩ-ენს" ხორავამ.
მისი თქმით, ამჟამად ეს ბარიერები მთლიანად მოიხსნა.
"შეგვიძლია საგადასახადო ორგანოს მივწეროთ ამა თუ იმ ოპერაციასთან დაკავშირებით და მისგან მივღოთ ამომწურავი პასუხები და ამ პასუხების მიხდევით ვიმოქმედოთ. ხელისუფლების მხრიდან ეს იყო კარგად შემჩნეული ხარვეზი, რომლი აღმოფხვრამაც ორგანიზაციის რისკები რომელიც კეთილსინდისიერი გადამხდელია მინიმუმადე დაიყვანა", - განაცხადა ხორავამ.
მისივე განმარტებით, მნიშვნელოვანია ასევე ისიც რომ შეიცვალა იმპორტის დღგ-სგან დაბეგვრის წესი.
"რეალურად დღეს ბიზნესს ეძლევა საშუალება რომ იმპორტი გამოთავისუფლდეს დღგ-ს გადასახადისგან გარკვეუილ პერიოდით ანუ ეს არის ბიზნესისთვის 30 დღიანი უფასო კრედიტი", - განაცხადა ვასილ ხორავამ.
