ბაზისბანკი აქტიურად აგრძელებს დისტანციური არხების განვითარებას და მომხმარებელს მორიგ სიახლეს სთავაზობს. პროდუქტის თანახმად, ბაზისბანკის ინტერნეტ და მობაილ ბანკით განხორციელებული ნებისმიერი კონვერტაციისას თანხის ოდენობის პროპორციულად მომხმარებელი აგროვებს ოქროს ქულებს. 1000 ოქროს ქულა 1 გრამი ოქროს ტოლია. მას შემდეგ, რაც დაგროვდება 10 გრამი ოქროს შესაბამის ქულები, მომხმარებელს საჩუქრად გადაეცემა 10 გრამიანი ოქროს მონეტა ან საკუთარი სურვილისამებრ გააგრძელებს ქულების დაგროვებას და საჩუქრად მიიღებს 50 ან 100 გრამიან ოქროს ზოდს!
ოქროს დაგროვება შეუძლია ნებისმიერ ფიზიკურ და იურიდიულ პირს, რომელიც ახორციელებს კონვერტაციას ბაზისბანკის ინტერნეტ ან მობაილ ბანკის მეშვეობით.
შეგახსენებთ, რომ ბაზისბანკმა ასევე პირველმა გამოიტანა ბაზარზე პირადი დილერის სერვისი. ფუნქციონალი მომხმარებელს საშუალებას აძლევს დისტანციურად ევაჭროს ბანკს, ინტერნეტ ბანკის მეშვეობით გაუგზავნოს მოთხოვნა პირად დილერს და რამდენიმე წამში მიიღოს მასზე ინდივიდუალურად მორგებული საუკეთესო კურსი.
