ახალ საგადასახადო კოდექსს მესამე მოსმენით 17 სეტემბერს სესიაზე მიიღებენ. 16 სექტემბერს კი პარლამეტში დაგეგმილია ბოლო შეხვედრა ბიზნესსექტორის წარმომადგენლებთან, რათა საბოლოოდ შეჯერდეს ის საკითხები, რაც მეორე მოსმენით მიუღებელი დარჩა. ამის შესახებ განცხადება დღეს ბიუროს სხდომაზე პარლამენტის თავმჯდომარემ დავით ბაქრაძემ და საფინანსო საბიუჯეტო კომიტეტის თავმჯდომარემ ზურაბ მელიქიშვილმა გააკეთეს.
როგორც მელიქიშვილმა აღნიშნა, მთელი ზაფულის განმავლობაში აქტიურად მიმდინარეობდა მუშაობა ბიზნესსექტორის წარმომადგენლებთან და აცხადებს, რომ ყველა სადავო საკითხი მოგვარებულია.
მისი თქმით, აუცილებელია, საგადასახადო კოდექსი მესამე მოსმენით საბოლოოდ დროულად იქნას მიღებული, რათა საზოგადოებას ცვლილებების შესახებ ინფორმაციის მიღება დროულად შეეძლოს.
შეგახსენეთ რომ ახალი საგადასახადო კოდექსის ძირითადი ნაწილი 1-ლი იანვრიდან ამოქმედდება. მცირე ნაწილი კი ძალაში 1 სექტემბრიდან შევიდა. რაც შეეხება ახალ საგადასახადო კოდექსს მეორე მოსმენისას 20-მდე საკითხი დარჩა ღიად და როგორც ზურაბ მელიქიშვილი გაანმარტავს ეს საკითხები უკვე შეჯერებულია. შესაბამისად პარასკევის სესიაზე კენჭიყრაზე ჯერ ეს საკითხები დადგება და შემდეგ კანონპროექტს მესამე მოსმენით ერთიანად ეყრება კენჭი.
