დღეს, 8 თებერვალს, 10:30 საათზე, სასტუმრო რუმსში, საქართველოს ფერმერთა ასოციაცია (GFA), პარტნიორ ორგანიზაციებთან ერთად წარადგენს კვლევის - ბიზნესის მხარდამჭერი ორგანიზაციების როლი სოფლის მეურნეობაში - შედეგებს.
შეხვედრაში მონაწილოებას მიიღებენ მთავრობის წარმომადგენლები, დონორი და საერთაშორისო ორგანიზაციები, სექტორული ასოციაციები, მცირე და საშუალო საწარმოები და ფერმერები.
კვლევის მიზანი იყო საქართველოში არსებული იმ ბიზნესის მხარდამჭერი ორგანიზაციების შესწავლა, რომლის საქმიანობაც დაკავშირებულია სოფლის მეურნეობასთან. კვლევის შედეგად დადგინდა, რომ საჭიროა სახელმწიფოსა და ბიზნესის მხარდამჭერ ორგანიზაციებს შორის არსებული თანამშრომლობის გაძლიერება. ამასთან ერთად, იმისათვის რომ ბიზნესის მხარდამჭერმა ორგანიზაციებმა მდგრადობას მიაღწიონ, მნიშვნელოვანია ორგანიზაციული სტრუქტურის გაუმჯობესება.
ღონისძიება იმართება პროექტის „სურსათისა და სოფლის მეურნეობის დარგში მცირე და საშუალო საწარმოების მხარდამჭერი ინიციატივა“ ფარგლებში, რომელიც დაფინანსებულია ევროკავშირის მიერ და ხორციელდება ხუთი ორგანიზაციისგან შემდგარი კონსორციუმის მიერ საქართველოს ფერმერთა ასოციაციის (GFA) ხელმძღვანელობით.
