ყაბარდო-ბალყარეთში ჩრდილოკავკასიელმა მებრძოლებმა რუსული მილიციის კუთვნილი "ურალის" ტიპის დაჯავშნული ავტომობილი ააფეთქეს. ინფორმაციას ამის შესახებ რუსული მედია ავრცელებს.
"აფეთქება წუხელ დაახლოებით 02:00 საათზე მოხდა. ომონის თანამშრომელთა გზაზე ასაფეთქებელი მოწყობილობა ამოქმედდა", _ იუწყება რუსული მედია.
მათივე ინფორმაციით, აფეთქების შედეგად ხუთმა მილიციელმა ტრავმა და კონტუზია მიიღეს. ამჟამად აფეთქების ორგანიზატორების ძებნა მიმდინარეობს. აფეთქების სიმძლავრე 10-12 კილოგრამი ტროტილის ექვივალენტი იყო.
