საქართველოს მართლმადიდებელი ეკლესიის წმინდა სინოდის სხდომა, რომელიც საპატრიარქოში მიმდინარეობდა, დასრულდა.
წმინდა სინოდის სხდომაზე მღვდელმთავრებმა უკრაინის მართლმადიდებელი ავტოკეფალური ეკლესიის აღიარების საკითხზე იმსჯელეს.
სხდომის დასრულების შემდეგ, ჭყონდიდელმა მიტროპოლიტმა პეტრემ (ცაავა) განაცხადა, რომ წმინდა სინოდი უკრაინის ეკლესიასთან დაკავშირებით საბოლოო გადაწყვეტილებას მას შემდეგ მიიღებს, რაც მსოფლიო პატრიარქი, 2019 წლის 6 იანვარს, უკრაინის ეკლესიის მწყემსმთავარს ავტოკეფალიის ტომოსს გადასცემს.
„დაველოდებით ტომოსის გადაცემას და სინოდის შემდეგ სხდომაზე მივიღებთ გადაწყვეტილებას“, - განაცხადა მეუფე პეტრემ.
როგორც ჭყონდიდელმა მიტროპოლიტმა განაცხადა, სინოდის წევრებს შორის უკრაინის ეკლესიის საკითხთან დაკავშირებით აზრთა სხვადასხვაობა იყო.
შეგახსენებთ, რომ 15 დეკემბერს, კიევში, წმინდა სოფიას ტაძარში, უკრაინის ეკლესიების გამაერთიანებელ კრებაზე უკრაინული ეკლესიის მწემსმთავრად, 39 წლის მიტროპოლიტი ეპიფანე აირჩიეს, რომელიც პატრიარ ფილარეტის კანდიდატურას წარმოადგენდა.
