ზუგდიდის მე-6 სკოლის გარდაცვლილი დირექტორის, ია კერზაიას შვილი ბაჩანა შენგელია გენერალურ პროკურატურაში იმყოფება.
მისი თქმით, ანონიმური წერილის გარდა, აქვს კონკრეტული მტკიცებულებები, რითაც დასტურდება, როგორც სამოხელეო დანაშაული, ასევე სისხლის სამართლის კოდექსით გათვალისწინებული მუხლების დარღვევები.
მისივე განცხადებით, აღნიშნული მტკიცებულებებით დასტურდება კონკრეტულად განათლების მინისტრის, მიხეილ ბატიაშვილის, ასევე განათლების სამინისტროს ინსპექტირების სამსახურის ხელმძღვანელის და ორი თანამშრომლის ბრალეულობა.
ცნობისთვის, ზუგდიდის მე-6 საჯარო სკოლის დირექტორი, ია კერზაია9 დეკემბერს გარდაიცვალა.
ია კერზაია ინსულტის დიაგნოზით, საავადმყოფოში მძიმე მდგომარეობაში იმყოფებოდა და მკურნალობას გადიოდა, თუმცა ექიმებმა მისი გადარჩენა ვერ შეძლეს.
მისი ჯანმრთელობის მდგომარეობა მას შემდეგ გაუარესდა, რაც სკოლაში გენერალური ინსპექცია შევიდა.
სკოლის დირექტორი ამბობდა, რომ სკოლაში ინსპექციის შესვლა არჩევნებს უკავშირდებოდა.
კერზაია აბობდა, რომ რაც დირექტორმა პედაგოგების საარჩევნო პროცესში უკანონოდ ჩართვაზე უარი თქვა, ანონიმური წერილის საფუძველზე ინსპექციამ თბილისიდან ზუგდიდში ორი თანამშრომელი გაგზავნა და მეექვსე სკოლის შემოწმება დაავალა. შემოწმების დღეს რეგიონს წყალი არ მიეწოდებოდა და სკოლაშიც საპირფარეშოები იყო გაუმართავი.
