მანჰეტენის ფედერალურმა სასამართლომ 41 წლის ქართველ ე.წ კანონიერ ქურდს, რაჟდენ შულაიას, იგივე რაჟდენ პიტერსკის, იგივე რომას, 45-წლიანი პატიმრობა შეუფარდა. ამის შესახებ წერს "ბი-ბი-სის" რუსულენოვანი გამოცემა
პროკურატურამ შულაია დაასახელა, როგორც „ნიუ-იორკში აღმოსავლეთ ევროპის ქურდული სამყაროს ბოსი“ და ასევე მისი გავლენები ვრცელდებოდა აშშ-ის დასავლეთ სანაპიროზე. პროკურატურა მისთვის 65-წლით თავისუფლების აღკვეთას ითხოვდა.
სასამართლოს ზედამხედველობის ორგანო, რომელიც რეკომენდაციას აძლევს, მოსამართლეს, შულაიას სამუდამო პატიმრობას ითხოვდა.
მოსამართლე ლორეტა პრესკა სოლიდარული იყო ამ რეკომენდაციებისადმი, რადგან შულაია თავს დამნაშავედ არ გრძნობდა. ამიტომ ერთადერთი გამოსავალი იყო მისი საზოგადოებისგან, რაც შეიძლება დიდი ხნით იზოლირება. მოსამართლემ 45 წელი შეუფარდა ბრალდებულს, საიდანაც ციხეში კარგად მოქცევისთვის შესაძლებელია, სასჯელის 15% მოეხსნას. ასე, რომ შულაია გათავისუფლდება 70 წლის ასაკში და დეპორტირებული იქნება რუსეთში, რომელიც მან 2010 წელს დატოვა.
შუალაიას ნაცნობი „ბი-ბი-სის“ ჟურნალისტს მოუყვა, რომ ის რუსეთიდან სასჯელის არიდების მიზნით გაიქცა. მან შემდეგი სამი წელი ევროპაში გაატარა, კერძოდ, გერმანიაში და შემდეგ იტალიაში, სადაც მოხდა მისი „კორონაცია და კანონიერი ქურდის სტატუსი მიიღო“.
სასამართლომ შულაიას ასევე 2,2 მლნ დოლარის გადახდა დააკისრა და დაავალა კომპენსაციის სახით 550 000 დოლარის გადახდა ამერიკელი შშმ პირისთვის, რომელიც გაქურდა მისმა მეგობარმა ნაზო გაფრინდაშვილმა. მისი დაჯგუფებიდან.
სასამართლოსთვის გაგზავნილ დოკუმენტში პროკურატურა წერს, რომ 2014 წელს, აშშ-ში ჩასვლიდან მალევე, შულაია კონფრონტაციაში შევიდა ერთერთ კონკურენტ დაჯგუფებასთან, რომლებიც ეთნიკურად სომხებისგან შედგებოდა. თავის თანაგუნდელებთან ერთად, მათ შორის, ზურაბ ჯანაშვილთან ერთად, რომელმაც მოგვიანებით სასამართლოზე მის წინააღმდეგ მისცა ჩვენება, მამუკა ჩაგანავასთან და კიდევ 20 ადამიანთან ერთად, შულაია ბრუკლინის საბილიარდოში მივიდა, სადაც კონკურენტ დაჯგუფებას თავს დაესხა. ეთნიკურად სომხებისგან შექმნილ დაჯგუფებაში რაოდენობრივად ნაკლები იყვნენ, თანაც შულაიას და მის გუნდს თან 4 ცეცხლსასროლი იარაღი ჰქონდათ.
სასამართლომ ბიუჯეტის სასარგებლობ შულაიას $2.2 მილიონი დააკისრა. შულაიას, ასევე, დაეკისრა, კომპენსაციის სახით $550 000-ის გადახდა ინლაიდისთვის, რომელიც შულაიას დაჯგუფების წევრმა, ნაზო გაფრინდაშვილმა, გაქურდა. ნაზო გაფრინდაშვილი მომვლელად სწორედ ამ პირთან მუშაობდა.
