ადმინისტრაციის დაკომპლექტებაზე ვმუშაობ ახლა და სანამ არა ვარ ჩამოყალიბებული არ ვაკეთებ კომენტარებს, - განაცხადა საქართველოს არჩეულმა პრეზიდენტმა სალომე ზურაბიშვილმა ჟურტნალისტების შეკითხვაზე, პატრიარქის ფონდის ხელმძღვანელის, ლაშა ჟვანიას პრეზიდენტის ადმინისტრაციის უფროსის თანამდებობაზე დანიშვნასთან დაკავშირებით. მისი თქმით, ლაშა ჟვანია ჯერ არ არის დანიშნული.
„ლაშა ჟვანიამ თვითონ რაღაცა გითხრათ და მე მგონი უნდა მოვხსნა ამ ადგილიდან, სადაც ჯერ არ არის დანიშნული“, - განაცხადა სალომე ზურაბიშვილმა.
პატრიარქის ფონდის ხელმძღვანელმა, ლაშა ჟვანიამ, 30 ნოემბერს განაცხადა, რომ მან სალომე ზურაბიშვილისგან მიიღო წინადადება პრეზიდენტის ადმინისტრაციას უხელმძღვანელოს.
