მინდა მივულოცო სალომე ზურაბიშვილს ძალიან საეჭვო გამარჯვებას, მაგრამ გამარჯვება, - განაცხადა “დემოკრატიული მოძრაობის” წევრმა გუბაზ სანიკიძემ ტელეკომპანია პირველის ეთერში.
მისი თქმით, ეს არჩევნები პოზიტიური იყო - პირველი ტურიც და მეორეც.
„რამდენადაც უნდა გაგვიჭირდეს, უნდა გავიგოთ, რომ ვართ ერთი სხეული. ერთი ერის სხეული. „ერთ სულ“ და „ერთ ხორც“, როგორც ჩვენი წინაპრები იტყოდნენ. ეს უნდა იყოს ამოსავალი. ფაქტი ერთია, ხელისუფლებამ მაქსიმუმი გამოავლინა. ზოგადად, ეს არჩევნები პოზიტიური იყო, ობიექტურად, ქვეყნისთვის. პირველი ტურიც და მეორე ტურიც. მინდა მივულოცო სალომე ზურაბიშვილს ძალიან საეჭვო გამარჯვება, მაგრამ გამარჯვებას. ეს უკვე ფაქტორია. ჩვენ მოგვიწევს ამ პიროვნებასთან ურთიერთობა და ჩემი თხოვნა იქნება, სამომავლოდ გავითვალისწინოთ, იმიტომ რომ ქვეყნის ინტერესზე არის საუბარი, ოპოზიციამ გაითვალისწინოს ეს - სალომე ზურაბიშვილისთვის ოპოზიციური კარიბჭე უნდა იყოს ღია, აუცილებლად“, - განაცხადა სანიკიძემ.
