მათ დესტაბილიზაციის მცდელობა ჰქონდათ, თუმცა არავინ ზღუდავთ გამოხატვის თავისუფლებაში, თუმცა ყველაფერი უნდა მოხდეს კანონის ფარგლებში, - ამის შესახებ თბილისის მერმა კახა კალაძე ოპოზიციის აქციასთან დაკავშირებით განაცხადა, რომელიც კვირას გაიმართება.
მისი თქმით, თუ იქნება გადაცდომა და რაიმე ზედმეტი კანონსაწინააღმდეგო, რეაგირება იქნება შესაბამისი.
„ნაციონალური მოძრაობის“ ლუსტრაცია მოხდა. ეს არის დესტრუქციული ძალა, რომელიც ეწინააღმდეგება ქვეყანაში სიმშვიდეს, სტაბილურობას, განვითარებას. მათ სურვილი ჰქონდათ და ამაზე ღიად საუბრობდნენ, რომ ქვეყანაში გადატრიალება მოეწყოთ, მაგრამ ეს არ გამოუვათ. ქართველი ხალხი არის ბრძენი და ყველაფერს ხედავს. შეიძლება ჩვენც გვქონდეს შეცდომები, მაგრამ დანაშაული არ ჩაგვიდენია. პრობლემები, რაც მოსახლეობას აწუხებს, ყველაფერს გავაკეთებთ, რომ უახლოეს პერიოდში მოგვარდეს”, - განაცხადა კალაძემ.
