ავღანეთში მიღებული ხმების რაოდენობის პროპორციას თუ გავაანალიზებთ, ამას ჯარის უარს ვერ დავარქმევდი, - ამის შესახებ პარლამენტის ვიცე-სპიკერმა გია ვოლსკიმ განაცხადა.
მისი თქმით, საქართველო დემოკრატიული ქვეყანაა და ის პრინციპი მოქმედებს, როცა არავინ არავის არაფერს აძალებს.
„თავისი შეხედულებები აქვს ჯარს და საზოგადოების სხვა წარმომადგენლებსაც. არ ვუშვებ, რომ ჯარში რაიმე აზრთა ისეთი სხვადასხვაობაა, რომელიც სახელმწიფოს უსაფრთხოებას უკავშირდება და ჯარზე ისე ნუ ვიმსჯელებთ, როგორც ერთ უბანზე ჩატარებული შედეგები გვიჩვენებს. სალომე ზურაბიშვილის მიმართ შავი პროპაგანდა უსაფუძვლოდ იყო მიმართული“, – განაცხადა გია ვოლსკიმ.
