საქართველოში გერმანიის ელჩი, ჰუბერტ ქნირში სალომე ზურაბიშვილს საპრეზიდენტო არჩევნებში გამარჯვებას ულოცავს.
როგორც გერმანიის საელჩოს განცხადებაშია აღნიშნული, საქართველოში დაძაბული საარჩევნო ბრძოლის შემდეგ დემოკრატიული არჩევნები ჩატარდა.
„ვულოცავთ მომავალ პრეზიდენტ სალომე ზურაბიშვილს! დარწმუნებული ვარ, რომ ყველა პოლიტიკური ძალა აღიარებს არჩევნების შედეგს და საქართველო გააგრძელებს თავის ევროპულ გზაზე სვლას“,- აღნიშნულია ჰუბერტ ქნირშის მილოცვაში.
