ნამდვილად ვერ ავიტანდი იმას, რომ ჩემი სურათები ჩამოეხსნა ვინმეს და ჩემი გვარის თავზე, ბიძინა ივანიშვილის სურათი დაეხატა - ასე უპასუხა „დემოკრატიული მოძრაობის“ ლიდერმა, ნინო ბურჯანაძემ გადაცემა „რეაქციაში“ ჟურნალისტ ინგა გრიგოლიას შეკითხვას - როცა გაიგო სალომე ზურაბიშვილის გამარჯვება, გულისწყვეტა ხომ არ ჰქონდა, რადგან შეიძლებოდა თავად ყოფილიყო მის ადგილას.
მისი თქმით, ნამდვილად არ შურს სალომე ზურაბიშვილის დღევანდელი მდგომარეობა.
ასეთი საპრეზიდენტო არჩევნების და ბიძინა ივანიშვილის ნაყიდ საპრეზიდენტო სავარძელში ყოფნა, ღმერთმა დამიფაროს. მე რომ მასეთი რამ მდომოდა, როგორმე მოვახერხებდი „ნაციონალურ მოძრაობასთან“ თავის დროზე, ბოლომდე პრობლემების მოგვარებას და სკამის შენარჩუნებას და ასევე, ივანიშვილთანაც მოვახერხებდი საერთო ენის გამონახვას. ნამდვილად, მინდა გითხრათ, არანაირად არ მშურს ქალბატონი სალომეს დღევანდელი მდგომარეობა. მე, ნამდვილად ვერ ავიტანდი იმას, რომ ჩემი სურათები ჩამოეხსნა ვინმეს და ჩემი გვარის თავზე, ბიძინა ივანიშვილის სურათი დაეხატა“, - განაცხადა ბურჯანაძემ
