იგი[სალომე ზურაბიშვილი] აღიარებული არის და იქნება ქვეყნის პრეზიდენტად, - განაცხადა „შენების“ მოძრაობის ლიდერმა დავით უსუფაშვილმა არჩევნების შედეგების ლეგიტიმაციაზე საუბრისას ტელეკომპანია "პირველის" გადაცემა „რექციაში“.
მისი თქმით, ის კამპანია, ის გზები და მეთოდები, რომელიც გამოყენებული იქნა საარჩევნო პროცესში, საერთაშორისო საზოგადოების მიერ შეფასებულია მიუღებლად, იმ სტანდარტებისთვის, რაზეც საქართველომ თავად განაცხადა თანხმობა.
„ფიგურალურად თუ ვიტყვთ, გახსოვთ, პირველი ტურის შედეგს ვუწოდეთ ყვითელი ბარათი, საქართველოს ხელისუფლების მისამართით, ქართველმა ხალხმა. მეორე ტურის შედგების შეფასებისას, უკვე საერთაშორისო საზოგადოებამ ძალიან მკაფიო ყვითელი ბარათი აჩვენა საქართველოს მოქმედ ხელისუფლებას. ეს არ ნიშნავს რომ არჩევნების შედეგებს ვინმე არ აღიარებს, ეს არ ნიშნავს იმას, რომ როდესაც იგი საქართველოს პრეზიდენტის რანგში, რომელიმე ქვეყანაში ვიზიტით ჩავა, ამ ვინმე სტუმარი ჩამოვა, მას გაახსენებენ - იცით, თქვენ არჩეული ხართ ასეთი ცუდი კამპანიის შემდეგ და ნაკლებადლეგიტიმური ხართო, ეს არ ნიშნავს იმას, რომ ვინმე მასთან შეხვედრაზე უარს იტყვის და ასე შემდეგ. ეს, ასე არ არის. იგი აღიარებული არის და იქნება ქვეყნის პრეზიდენტად. მაგრამ ის კამპანია, ის გზები და მეთოდები, რომელიც გამოყენებული იქნა ამ პროცესში, საერთაშორისო საზოგადოების მიერ სრულიად ცალსახად არის ჩათვლილი მიუღებლად, იმ სტანდარტებისთვის, რაზეც საქართველომ თავად განაცხადა თანხმობა. ჩვენი ხელი გვაქვს მოწერილი იმ საერთაშორისო კონვენციებზე და ვალდებულებებზე, რომელიც ითვალისწინებს გაცილებით მეტ თანაბრობას საარჩევნო გარემოში და გაცილებით მეტ კონტროლს სახელისუფლებო რესურსის არგამოყენებაზე, გაცილებით მეტ კონტროლს ფინანსების არ გამოყენებაზე, არაკანონიერი გზებითა და საშუალებებით. გაცილებით მეტ თავშეკავებას უშიშროების და სხვა სასდახურების მხრიდან, რათა ამომრჩევლებს ჰქონდეთ თავისუფალი ნების გამოხტავის საშუალება და ასე შემდეგ. ასე, რომ ამ საკითხში ქართველი და საერთაშორისო ორგანიზაციების აზრი არის თანხვედარაში. ეს არის ყვითელი ბარათი. ეს იქნება, ძალიან მძიმე ტვირთი ხელისუფლებისთვის არა მხოლოდ მომავალ არჩევნებში, არამედ - ამ შუალედ პერიოდშიც კი“, - განაცხადა უსუფაშვილმა.
