1181 უბნის შედეგების მიხედვით, სალომე ზურაბიშვილმა ხმების 57%, ხოლო გრიგლ ვაშაძემ 43% მიიღო, -ამის შესახებ ცენტრალური საარცევნო კომისიის თავმჯდომარემ თამარ ჟვანიამ ბრიფინგზე განაცხადა
მისი თქმით, ეს შედეგები საბოლოო არ არის და რა თქმა უნდა, შეიცვლება. „არჩევნები არ დამთავრებულა, არის უამრავი პროცედურა რომელიც უნდა განხორციელდეს. ამ დროისათვის დათვლილია 1171 უბნის შედეგი, რაც საერთო მაჩვენებლის 32%-ია. აღნიშნული უბნებიდან ხმათა 43 პროცენტი მიიღო გრიგოლ ვაშაძემ, ნომერი 5, რაც არის 198 305 ხმა, ხოლო ნომერი 48-მ, სალომე ზურაბიშვილმა 57 პროცენტი - 262 826 ხმა“, - განაცხადა თამარ ჟვანიამ.
დღეს, 28 ნოემბერს, საქართველოში საპრეზიდენტო არჩევნების მეორე ტური ჩატარდა. საქართველოს მოქალაქეებმა ექვსწლიანი ვადით მეხუთე პრეზიდენტი აირჩიეს. მეორე ტურში ამომრჩეველთა საერთო რაოდენობა 3 528 658 შედგენდა. ცესკოს მონაცემებით, პირველ ტურში ამომრჩეველთა რაოდენობა 3 518 877-ს შეადგენდა. არჩევნები ქვეყნის მასშტაბით 3 703 საარჩევნო უბანი იყო გახნისლი, მათ შორის 55 საზღვარგარეთ, 11 კი გამონაკლის შემთხვევაში შექმნილი უბანი იყო.
არჩევნებს აკვირდებიოდა საარჩევნო სუბიექტების 17 000-მდე წარმომადგენელი, 48 500-ზე მეტი ადგილობრივი და 1300-ზე მეტი საერთაშორისო დამკვირვებელი. საარჩევნო პროცესს აშუქებდა 2 300-მდე ჟურნალისტი. საპრეზიდენტო არჩევნების პირველი ტური 28 ოქტომბერს გაიმართა. ცესკოს მონაცემების თანახმად, „ქართული ოცნების“ მიერ მხარდაჭერილმა დამოუკიდებელმა კანდიდატმა სალომე ზურაბიშვილმა ხმების 38.64% მიიღო, „ნაციონალური მოძრაობის“ კანდიდატმა გრიგოლ ვაშაძემ - 37,74%.
ეს ბოლო არჩევნებია, როდესაც საქართველოს მოსახლეობამ სახელმწიფოს მეთაური პირდაპირი გზით აირჩია. პრეზიდენტის მიერ ფიცის დადების მომენტიდან კი კონსტიტუციის ახალი რედაქცია თავისი ერთ-ერთი წინააღმდეგობრივი ცვლილებით – პრეზიდენტის არაპირდაპირი არჩევის წესით, შევა ძალაში.
