ხვალიდან, მიუხედავად იმისა, რა შედეგები იქნება, გადავდივართ მასობრივ დაუმორჩილებლობის მოძრაობაზე - ეს განცხადება საქართველოს ყოფილმა პრეზიდენტმა, მიხეილ სააკაშვილმა, გააკეთა.
მისი თქმით, ეს არ იყო და არ არის ლეგიტიმური არჩევნები და ის არასდროს არ აღიარებს ბიძინა ივანიშვილს. დღევანდელი დღიდან ბიძინა ივანიშვილი აღარ არის ლეგიტიმური მმართველი საქართველოსი.
სააკაშვილის თქმით, არჩევნები ზეწოლის, მოსყიდვის და ძალადობის ფონზე წარიმართა.
„მინდა, მივმართო ჩვენ ხალხს, ხალხო, თქვენ დღეს ამ ბინძურმა ოლიგარქმა თავზე გადაგახიათ კანონი, კონსტიტუცია, დემოკრატია, არჩევნების ინსტიტუტი. დღეს და ამ კვირებშიც, რაც ტარდებოდა, ეს არ იყო არც არჩევნები, არც დემოკრატიული პროცესი და ამას არაფერი კავშირი არ აქვს ხალხის ნებასთან. ეს იყო ქურდული სამყარო, ძველი ბიჭები, აფერისტები და გარეწრები, რომლებიც საქართველოში რაღაც პროცენტი ყოველთვის იყო და არის. შავი სამყაროს წარმომადგენლები, ის ხალხი, ვინც გძარცვავდათ ტრადიციულად, მთლიანად შერწყმული ამ ოლიგარქთან. ეს იყო ძალადობა და არის ძალადობა, ეს არის მოსყიდვა, ეს არის ღიად დარიგება საარჩევნო უბნებში ფულის, ეს არის დაჭრა და ცემა აქტივისტების“, - განაცხადა სააკაშილმა.
მიხეილ სააკაშვილმა მოსახლეობას მოუწოდა, რომ არ აღიაროს საპრეზიდენტო არჩევნების შედეგი.
„ქართულ საზოგადოებას მოვუწოდებ, არ აღიაროს ამ არჩევნების შედეგები. დემოკრატიულ პროცესთან არანაირ კავშირში არ არის იმიტომ, რომ დგება მომენტები ყველა ერის ისტორიაში, როდესაც იმ პირობებში, როცა კრიმინალი მთლიანად შეერწყა ხელისუფლებას, როდესაც მთავარი მძარცველი მოაჯდა თავზე ყველა სახელმწიფო ინსტიტუტს, აკონტროლებს უკლებლივ ყველა პროცესს. დგება მომენტი, როცა საზოგადოებამ უნდა აიღოს კანონის დაცვა, კონსტიტუციის და თავისი თავისუფლების საკუთარ ხელში,“ - განაცხადა სააკაშვილმა.
„მე მოგიწოდებთ თქვენ აიღოთ კანონის დაცვა და თავისუფლების დაცვა. საქართველოს თავისუფლებისა და საქართველოს მომავლის გადარჩენა აიღოთ საკუთარ ხელში და დავიწყოთ მოთთხოვნა ღია საპროტესტიო აქციებით, მშიდობიანი, რიგგარეშე საპარალამენტო არჩევნების და ამ არჩევნების ეგრეთ წოდებული არჩევნების არალეგიტიმურად გამოცხადება მოვითხოვოთ“, - განაცხადა სააკაშილმა და აღნიშნა, რომ ხვალიდან მომხრეებთან ერთად მასობრივ დაუმორჩილებლობის მოძრაობას იწყებს.
„ხვალიდან, მიუხედავად იმისა, რა შედეგები იქნება, გადავდივართ მასობრივ დაუმორჩილებლობის მოძრაობაზე. მე მოვუწოდებ საქართველოს პოლიციას დადგეს ხალხის მხარეს. მე მოვუწოდებ შეიარაღებულ ძალებს, არ შეასრულონ უკანონო ბრძანებები.... ხვალიდან ვიწყებთ მასობრივ ქმედებებს, საქართველოს მასშტაბით, მშვიდობიანი დაუმორჩილებლობის, ივანიშვილის მიუღებლობის და ივანიშვილის ხელისუფლების დასრულების საქართველოში“, - განაცხადა სააკაშილმა.
