ხვალ ჩვენ ვიმარჯვებთ. წლის ბოლოს საქართველოს ეყოლება ახალი ხელისუფლება“, -ამის შესახებ საქართველოს მესამე პრეზიდენტმა არჩევანის პირდაპირ ეთერში განაცხადა.
მიხეილ სააკაშვილმა ამომრჩეველს არჩევნებზე აქტიურობისკენ მოუწოდა. მისი თქმით, ბიძინა ივანიშვილი, პანიკაშია.
„ივანიშვილი არის სრულ პანიკაში, მაგრამ უნდა გვესმოდეს, რომ კონკრეტული საფრთხეებია, რომ საქართველოს მოაწყდეს არა მხოლოდ გორჯესტანი, ჩახალიანი, გოგა ხაინდრავა, ეს ყველაფერი შანტრაბა, არის საფრთხე იმისა, რომ საქართველომ დაკარგოს დამოუკიდებლობა. ნახეთ, როგორ დაამცირა ივანიშვილმა ბოლო დღეებში ჩვენი ხალხი, ამ ხალხმა ჩაგვიტარა რა ტრიუკი. რამდენიმე დღის წინ გამოვიდა, რომ 600 ათას ადამიანს ვალი ჩამოაწერესო და ეს თავიდან ბოლომდე რომ ბლეფია, ბანკებთან გასაცოდავებული ხალხი რომ მივიდა, აღმოაჩინეს, რომ ეს ყველაფერი სიცრუეა. რამდენჯერ უნდა ჩაგვიტაროს ერთი და იგივე ფინტი ამ ჯიბიდან გაგდებულმა აფერისტმა... ხვალ ჩვენ ვიმარჯვებთ. წლის ბოლოს საქართველოს ეყოლება ახალი ხელისუფლება“, - განაცხადა მიხეილ სააკაშვილმა.
