ცხოვრების ბოლომდე უნდა იყო მადლობელი, რომ „ნაცმოძრაობა“ გავუშვი ხელისუფლებიდან.ამ პოლიტიკური მესიჯით მუშაობდნენ და დღესაც მუშაობენ, - განაცხადა საქართველოს პრეზიდენტმა გიორგი მარგველაშვილმა ტელეკომპანია პირველის გადაცემა „რეაქციაში“.
მისი თქმით, ეს ზევიდანმაყურებელი და პოლიტიკურად გაუმართავი მესიჯი, თავიდან ბოლომდე ჩამოემსხვრათ ამ არჩევნების პირველ ტურში.
„2016 წელს ჩამოყალიბდა ფორმატი - ამომრჩეველს ეუბნები, ძალიან გთხოვ, მომისმინე, მე შენს წინაშე ვალდებული კი არ ვარ, მე შენ კი არ უნდა გემსახურო, შენ უნდა იყო ცხოვრების ბოლომდე მადლობელი ჩემი, რომ „ნაციონალური მოძრაობა“ გავუშვი ხელისუფლებიდან. ამ პოლიტიკური მესიჯით მუშაობდნენ და დღესაც მუშაობენ“, - განაცხადა მარგველაშვილმა და აღნიშნა, რომ იქმნება შთაბეჭდილება რომ ამომრჩეველი მძევალია, ერთი მხრივ, „ნაციონალური მოძრაობა“ უნდა აირჩიოს, მეორე მხრივ - ნაციონალური მოძრაობის დაბრუნებას არ უნდა მისცეს ხმა.
„რა დამოდკიებულებაა ეს საზოგადოებასთან, რომ შენ მე კი არ უნდა გემსახურო, ბოლომდე შენ სამსახურში კი არ უნდა დავდგე, მადლობელი უნდა იყო, რომ შეგიცვალე ხელისუფლება. ზევიდანმაყურებელი და პოლიტიკურად გაუმართავი მესიჯი, თავიდან ბოლომდე ჩამოემსხვრათ, ამ არჩევნების პირველ ტურში“, - განაცხადა მარგველაშვილმა.
