მელორ ვაჩნაძე ამბობს, რომ იმ ზეწოლის გამო, რასაც ის პოლიციის მხრიდან განიცდის იძულებულია ქვეყნიდან ოჯახთან ერთად გაიქცეს. მელორ ვაჩნაძე აცხადებს, რომ ახლა ის უკვე ღია ომშია „ქართულ ოცნებასთან.“
ვაჩნაძე „კურიერთან“ სკანდალურ განცხადებას აკეთებს და ამბობს, რომ „ქართულმა ოცნებამ“ ის გაწირა და ახლა მის დაკავებას გეგმავს.
ის ასევე აცხადებს, რომ თავშესაფრის მიღების შემდეგ, ისაუბრებს ისეთ ფაქტებზე, რაც საზოგადოებას შოკში ჩააგდებს.
„მტრად გამომაცხადეთ? დღეს პირადად მე მიდებდით იარაღს? გუშინ მიდებდით დანას, მესამე ეპიზოდს? ადრე ჩამოდეთ იარაღი? 20-ჯერ დამიჭირეთ? 15 დასკვნა მაქვს სამედიცინო, სადაც დაზიანებით მიმიყვანეთ დაკავების შემდეგ. არც ერთხელ არ გავაკეთე განცხადება. ვცდილობდი, რომ ქვეყნის იმიჯი არ დამეზიანებინა. მტერი ხარ? ხოდა მოგექცევი, როგორც მტერს, მთელი ევროპა გაიგებს რა დემოკრატები ხართ, რა მაგრად იცავთ ადამიანის უფლებებს და თუ ეს ვიღაცის შემოქმედებაა შუა რგოლში, მაშინ ადგეს და გახარია გადადგეს, რა. მოდი გადადექი და ისეთი დავნიშნოთ, რომელიც გააკონტროლებს მაღალ ეშელონებშიც, დაბალშიც და საშუალოშიც და ადამიანებს არ ჩაუდებენ,“-განაცხადა მელორ ვაჩნაძემ.
