„ევროპული საქართველოს“ ერთ-ერთი ლიდერის გიორგი კანდელაკი განცხადებით, „პატრიოტთა ალიანსის“ აქციამ კიდევ ერთხელ დაადასტურა, რომ აღნიშნული პრორუსული პარტია „ქართული ოცნების“ გაგრძელებაა.
„ჩვენ ისედაც ვიცოდით, რომ ე.წ. „პატრიოტთა ალიანსი“ იყო "ქართული ოცნების" გაგრძელება და გუშინდელ აქციაზე მონაწილე ადამიანების დიდი ნაწილი იქ მთავრობამ მიიყვანა - ეს სხვა საკითხია.
მაგრამ მათ მადლობა ეკუთვნით ნამდვილად, რომ თუკი ჩვენს რომელიმე მოქალაქეს ჯერ კიდევ ეჭვი ეპარებოდა არის თუ არა "ქართული ოცნება" და ეს პრორუსული პარტია ერთი და იგივე თუკი ვინმეს ეჭვი ეპარებოდა , ნიშნავს თუ არა სალომე ზურაბიშვილისთვის ხმის მიცემა, პრორუსული ძალებისთვის ხმის მიცემას, ნიშნავს ტუ არა სალომე ზურაბიშვილისთვის ხმის მიცემა , იმ ხალხისთვის ხმის მიცემას ვინც ორი დღის წინ ერთ მაგიდაზე ისხდნენ მარიონეტული რეჟიმების წარმომადგენლებთან, რომლებმაც მოახდინეს ჩვენი მოქალაქეების ეთნიკური წმენდა და მათ არ აძლევენ საკუთარ სახლებში დაბრუნების უფლებას - ამ პრორუსულმა პარტიამ ამ კითხვას გასცა დადებითი პასუხი- დიახ, ნიშნავს,“-ამბობს კანდელაკი.
თავისუფლების მოედანზე, 25 ნოემბერს, აქცია „არა ნაცებს“ გაიმართა. აქციის ორგანიზატორი „პატრიოტთა ალიანსი“ იყო. როგორც აქციის ორგანიზატორებმა განაცხადეს, მიხეილ სააკაშვილის მმართველობა აღარ უნდა დაბრუნდეს. ამასთან, მოქალაქეებს პრეზიდენტობის დამოუკიდებელი კანდიდატის, სალომე ზურაბიშვილის მხარდაჭერისკენ მოუწოდეს.
