ვერ დაასახელებთ ბიზნესს იქნება ეს მცირე, მიკრო თუ მსხვილი ბიზნესი, რომ რაიმე ტიპის ტერორი ქვეშ ყოფილიყო ხელისუფლების მხრიდან, – განაცხადა ფინანსთა მინისტრმა, ივანე მაჭავარიანმა გადაცემა „არჩევანში“ დასმული კითხვის საპასუხოდ, ახდენს თუ არა ხელისუფლება ზეწოლას სესხების ამომღებ კომპანიებზე, რათა მათ გააფორმონ ხელშეკრულება ფონდ „ქართუსთან“
„ის, რომ ხელისუფლება ძალადობს, ბიზნესს ართმევს ქონებას, სძალავს ფულს ამის დაჯერება ხომ შეუძლებელია? გეთანხმებით, რომ ძალიან მნიშვნელოვანია მედია. ჩვენი ეს საუბარიც მნიშვნელოვანია, მაგრამ ახლა, რაც არ უნდა ერთმანეთს ვუმტკიცოთ, რომ ჩვენ ვატერორებთ ბიზნესს, ხომ არავინ არ დაიჯერებს, რადგან თვითონ ხომ კარგად იციან ბიზნესმენებმა, ეს ქვეყანა ხომ იცით, რა პატარაა? ხომ იცით, რომ არაფორმალურ კომუნიკაციას ძალიან დიდი მნიშვნელობა აქვს? რამდენიც არ უნდა მოგატყუოთ, თუ პირიქითაა, ხომ გაიგებთ ამას თუნდაც თქვენი მეზობლისგან, ან ნათესავისგან? ამიტომ არაა საჭირო ღია კარის მტვრევა. რაც არ არსებობს, იმაზე ნუ გვაკრიტიკებთ“, – აღნიშნა ფინანსთა მინისტრმა, ივანე მაჭავარიანმა.
