მე ვურჩევდი კახა კალაძეს, რომ საერთოდ, გაერკვეს რა სასამართლოზე და რა პროცესზეა საუბარი, - ამის შესახებ "ნაციონალური მოძრაობის" წევრმა თინა ბოკუჩავამ "ქართული ოცნების" გენერალური მდივნის კახა კალაძის დღევანდელ ბრიფინგთან დაკავშირებით განაცხადა,
ბოკუჩავას განმარტებით, ეს არ არის სასამართლო, რომელიც განიხილავს სახელმწიფოებს შორის დავებს. ეს არის სასამართლო, რომელსაც სისხლის სამართლის პასუხისმგებლობაში შეუძლია მისცეს კონკრეტული პირები, მათ შორის, სამხედროები.
"ასე, რომ მე მოვუწოდებდი ამ ადამიანს, გაერკვეს რა სასამართლოზე და რა პროცესებზეა საუბარი. მან მიიღოს მონაწილეობა "ქართული ოცნების" პოლიტიკურ გადაწყვეტილებაში და დაუყოვნებლივ გადააყენონ თეა წულუკიანი, რომელიც პირადად არის პასუხისმგებელი იმაზე, რომ დღეს საქართველო და სამხედროები ამ საშიშროების წინაშე დგანან“, - განაცხადა ბოკუჩავამ.
ცნობისთვის, დღეს კახა კალაძემ განაცხადა, რომ "ნაციონალურმა მოძრაობამ" გადაწყვიტა, დარტყმა მიაყენოს საქართველოს შეიარაღებულ ძალებს და მის ერთიანობას, რადგან მისივე თქმით, ავრცელებენ ცრუ ინფორმაციას, თითქოს 2008 წლის რუსეთ-საქართველოს ომში მონაწილე ქართველ სამხედრო მოსამსახურეებს ემუქრებათ ჰააგაში გასამართლების საფრთხე.
