საქართველოს რესპუბლიკური პარტიის ეროვნული კომიტეტის წევრი, დავით ზურაბიშვილი „არჩევანის“ ეთერში ჰააგის სასამართლოში მიმდინარე პროცესებთან დაკავშირებით განაცხადა, რომ სააკაშვილის გასამართლებით ხელისუფლება იმუქრება. მისი შეფასებით, ასეთი განცხადებები ქვეყანას დააზიანებს.
„უკვე იმასაც ვეჭვობ, რომ რუსეთის ინტერესების ცოტა ზედმეტად გათვალისწინება ხომ არ ხდება, როცა საერთაშორისო სტრუქტურებით, ჰააგის სასამართლოთი, პრაქტიკულად, გვემუქრებიან ხელისუფლების წარმომადგენლები, სააკაშვილი გასამართლდება. თქვეს ომი საქართველომ კი არ დაიწყო სააკაშილმა დაიწყო. ეს ისეთი დონის არაკვალიფიციური განცხადებებია, არ შეიძლება უბრალოდ სახელმწიფოს ხელმძღვანელობდეს ასეთი კვალიფიკაციით და ასეთი გაგებით სახელმწიფოს მიმართ. იმიტომ, რომ ეს დაგვაზარალებს ყველას, არა მარტო ამ ხელისუფლებას“, - განაცხადა ზურაბიშვილმა.
