უნდა ველოდოთ, რომ დაკავების ორდერები შეიძლება გაიცეს როგორც ქართველების წინააღმდეგ, ასევე - რუსების წინააღმდეგ , - განაცხადა ფონდ „ღია საზოგადოება საქართველოს“ წარმომადგენელმა ჰააგაში, ნიკა ჯეირანაშვილმა გადაცემა „არჩევანის“ ეთერში.
მისი თქმით, ჰააგის სასამართლო არის ძალიან სპეციფიკური სასამართლო, განსხვავებით სხვა სასამართლოებისგან.
„ჰააგის სასამართლოს ოფიციალური პოლიტიკა არის ის, რომ არა უშუალოდ კონკრეტული დამნაშავეების ან კონკრეტული შემსრულებლების, ჯარისკაცების დაკავება, არამედ ისინი ცდილობენ რაც შეიძლება მაღალი რანგის თანამდებობის პირებზე გასვლას და ეს შეიძლება იყოს პრეზიდენტი, თავდაცვის მინისტრი, გენ შტაბის უფროსი, გენერლები და ა.შ. მთავარია, თუ აქვთ საკმარისი მასალები, რომლითაც გავლენ ისინი ან ჰყავთ მოწმეები, რომლებიც ადებენ ამ ადამიანებს ხელს. უკვე გამოყოფილი ჰყავს ჰააგის სასამართლოს სამი მხარე, მათ შორის არის საქართველოს შეიარაღებული ძალები, რუსეთის და სამხრეთ ოსეთის შეიარაღებული ფორმირებები. შესაბამისად, ჩვენ უნდა ველოდოთ, რომ დაკავების ორდერები შეიძლება გაიცეს როგორ ქართველების წინააღმდეგ, ასევე რუსების წინააღმდეგ,“ - განაცხადა ნიკა ჯეირანაშვილმა.
