გრიგოლ ვაშაძე არის ადამიანი, რომლის ნდობაც ოკუპირებულ ქვეყანაში არ შეიძლება ,– ამის შესახებ ჟურნალისტებს საქართველოს იუსტიციის მინისტრმა, თეა წულუკიანმა განუცხადა.
„ეს არის ადამიანი, რომელიც იყო საბჭოთა დიპლომატი, ძალიან დიდი დანანებით, ლამის ცრემლებით, როცა იძულებული გახდა, დააბრუნა რუსული პასპორტი. ეს არის ადამიანი, რომლის ნდობა უბრალოდ არ შეიძლება ოკუპირებულ ქვეყანაში. ამიტომაც მე მას ვუწინასწარმეტყველებ მეორე ტურში ძალინ დიდ მარცხს. ამიტომ უმჯობესი იქნება, სხვადასხვა მინისტრების გადადგომის მოთხოვნის ნაცვლად, ვაშაძე საქმით დაკავდეს“, – განაცხადა თეა წულუკიანმა.
მისი თქმით, ვაშაძეს ბევრი აქვს სამუშაო, რომ როდესაც მეორე ტურს წააგებს, ეს მარცხი არ იყოს სამარცხვინო მარცხი.
„ვეუბნები იმასაც, რომ სსრკ, მოღალატე მთავრობა, რომელიც ხალხს ყრიდა ციხეში, ნამდვილად ვერ დაბრუნდება ჩვენს ქვეყანაში. აქეთ მხარეს, ვისაც არ გვინდა წარსული, ბოროტება, სსრკ, ვართ გაცილებით მეტნი, ვიდრე არის მათი ამომრჩეველი, რომელმაც მათ ხმა მისცა პირველ ტურში“, – განაცხადა წულუკიანმა.
