“გირჩის მხარდამჭერებში არიან ხალხი, რომელთა უდიდესი ნაწილი, მე რასაც ვუყურებ, არჩევნების მეორე ტურში საერთოდ არ წავა, - განაცხადა გირჩის პრეზიდენტობის კანდიდატმა, ზურაბ ჯაფარიძემ, გადაცემაში "იმედი-Live"-ში
საპრეზიდენტო არჩევნების პირველი ტურის შემდეგ „გირჩის“ საპრეზიდენტო კანდიდატმა ზურაბ ჯაფარიძემ განაცხადა, რომ მეორე ტურში ხმას გრიგოლ ვაშაძეს მისცემს, მიუხედავად იმისა, რომ ეს კანდიდატი მისთვის მიუღებელია.
„ჩემთვის ორივე დარჩენილი კანდიდატი არის პრინციპულად მიუღებელი. ნებისმიერი მცდელობა ხაზის გავლების თითქოს ერთი უფრო ნაკლებად ცუდია ან ნაკლებად საშიშია ვიდრე მეორე, ჩემთვის არის მასტურბაცია, მეტიც, ორივეს შემთხვევაში 100%-ით დარწმუნებული ვარ, რომ არჩევიდან ძალიან სწრაფად გადადგავს ისეთ ნაბიჯს, რომლის გამოც გინებას დაიმსახურებს ჩემგან. მიუხედავად ამისა, მე წავალ მეორე ტურზე და ხმას მივცემ ადამიანს, რომლის კარიერული პიკი, რომ არა პრეზიდენტი სააკაშვილი, იქნებოდა საბჭოთა კავშირის საგარეო საქმეთა სამინისტროს საშუალო დონის ჩინოვნიკობა, რომელმაც პედოფილთან გამაიგივა პირადად მე და ასობით ათასი ამ ქვეყნის მოქალაქე.
რომელმაც მთელი წინასაარჩევნო კამპანია ააგო იმ მიზანთან ბრძოლაზე, რისთვისაც ჩემი ცხოვრების უკანასკნელი 12 წლის მნიშვნელოვანი ნაწილი მაქვს დათმობილი, და რომლის არჩევის შემთხვევაში, შეიძლება აღმოჩნდეს რომ სულ ცოტა ხნის წინ ქვეყნის პირველ ლედის მოსკოვში აქვს ნაცეკვი 25 თებერვალს, ამას არ გავაკეთებ იმიტომ რომ ეს კანდიდატი მეორეს სჯობს, ამას გავაკეთებ იმიტომ რომ”, – განაცხადა ზურა ჯაფარიძე.
