ვაშაძის მხარეს არის მიშა სააკაშვილი, რომელიც ინსტიტუტისთვის არ იბრძვის. ისიც არის აბსოლუტური ძალაუფლების მანიით შეპყრობილი, - ამის შესახებ “თავისუფალი დემოკრატების” ერთ-ერთმა ლიდერმა ნინო გოგუაძემ გადაცემა “რეაქციაში” განაცხადა.
მისი თქმით, „თავისუფალი დემოკრატები“ მხარს არ ერთ კანდიდატს არ უჭერენ.
“ჩვენ გამოვაცხადეთ პოლიტიკურად, რომ არც ერთ მხარეს არ ვუჭერთ მხარს. მიუხედავად იმისა, რომ ძალიან მნიშვნელოვანია, რომ პრეზიდენტის ინსტიტუტი იყოს დამოუკიდებელი. მე ამ თემაზე ბევრი მისაუბრია. ვაშაძის მხარეს არის მიშა სააკაშვილი, რომელიც ინსტიტუტისთვის არ იბრძვის. ისიც არის აბსოლუტური ძალაუფლების მანიით შეპყრობილი. ამიტომ ძალიან ფრთხილად ვეკიდებით. პოლიტიკური მხარდაჭერა არ აქვს არავის, მაგრამ მთავარია ხელისუფლებამ ასახოს მოქალაქეების ნება, არ წავიდეს არანაირ გაყალბებაზე და ჩვენი ძალიან დაკვირვებული და მოაზროვნე მოქალაქეები, გადაწყვეტენ ვის ჩააბარებენ პრეზიდენტის მანდატს”, – განაცხადა ნინო გოგუაძემ.
