დიახ, ვბრუნდები „ქართულ ოცნებაში“ „ნაციონალური მოძრაობის“ წინააღმდეგოდ, - ამის შესახებ “თავისუფალი დემოკრატების” ყოფილმა წევრმა ირაკლი ჩიქოვანმა “ტვ პირველის” ეთერში განაცხადა.
“არ შეიძლება ძალადობის დაბრუნება, არ შეიძლება დაპირისპირების დაბრუნება! მე დიდი ეჭვი მეპარება ვინმეს ეგონოს, მიხეილ სააკაშვილი მომღიმარი სახით ფესიბუქჩართვაში, უიმე, 27 და 37 ხმა მივიღეთ, ასეთი მმართველობა შესთავაზოს საზოგადოებას. ის საზოგადოებას შესთავაზებს იმ მმართველობას, რაშიც ის დახელოვნებულია, გაწაფულია და ბოლო ამ 6 წლის განმავლობაში არც კი დასცდენია, რომ სერიოზული პრობლემები იყო, სერიოზული შეცდომები და დანაშაულები იყო. ყველას ვინც ამის საწინააღმდეგოს ამბობს, აცხადებენ მტრად. ეს მიუღებელია“, - განაცხადა ჩიქოვანმა.
მისი თქმით, სამწუხაროდ, ორპოლისანი არჩევნებია და დღეს საპრეზიდენტო არჩევნებში, “ნაციონალური მოძრაობის” წარმომადგენელია მეორე მხარეს.
„მე ვხედავ დღეს ისეთ დაპირისპირებას, რომელიც საჭიროებს აუცილებელი პოზიციის დაფიქსირებას. მე ვალდებულად ჩავთვალე თავი და ზუსტად ამიტომაც მივიღე ეს გადაწყვეტილება. მე ბევრი რაღაც არ მომწონს, მაგრამ ის შესაძლებლობა რასაც მე ვხედავ რომ შესაძლოა გამოსწორდეს, წინ წავიდეთ და ქვეყანა უკან არ მობრუნდეს, მართლა საზოგადოება რომ არ დავყოთ ჩვენიანებად და მტრებად, აი, ამისთვის ვბრუნდები, ამისთვის ვუჭერ მხარს “ქართულ ოცნებას” და ქალბატონ სალომე ზურაბიშვილს“, - განაცხადა ჩიქოვანმა
