რუმინელი პარლამენტარის ბიოგრაფია მოვიძიე და მას რომ ჩემზე რამე კარგი ეთქვა, სარკეში ჩავიხედავდი და ვიფიქრებდი, რომ ძაან ცუდად მაქვს საქმე, – ამის შესახებ გაერთიანებული ოპოზიციის პრეზიდენტობის კანდიდატმა გრიგოლ ვაშაძემ ევროპარლამენტარ ვიქტორ ბოშტინარუს განცხადებასთან დაკავშირებით აღნიშნა.
„600 ევროპარლამენტარიდან ჩაუშესკუს ყოფილი პარტიის წევრი ამას რომ ამბობს, სულში ისევ ჩაუშესკუს პარტიის წევრია, ე.ი. ყველაფერი ნორმალურად არის“, – განაცხადა გრიგოლ ვაშაძემ.
ცნობისთვის, ვიქტორ ბოშტინარუმ გრიგოლ ვაშაძის მისამართით განაცხადა, რომ „ყოფილი რუსი ელჩი, როგორიცაა „ნაციონალური მოძრაობის“ კანდიდატი, არ იქნება შესაფერისი საქართველოს პრეზიდენტად“.