გამოთქმული იყო სურვილი, ურთიერთობა გვქონდეს არასამთავრობო ორგანიზაციებთან, ასევე მისიებთან. ეს ყველასთვის საჭიროა, რომ უფრო მშვიდ მდგომარეობაში და გარემოში მივიდეთ არჩევნებამდე, – ამის შესახებ "ქართული ოცნების" მხარდაჭერილმა საპრეზიდენტო კანდიდატმა სალომე ზურაბიშვილმა არასამთავრობო ორგანიზაციებთან შეხვედრის შემდეგ განაცხადა.
მისი თქმით, "არასამთავრობოებებიდან იყო იმაზე საუბარი, რომ ადრეც ჰქონდათ რეაქციები სიძულვილის ენაზე, თუნდაც მისი დემონსტრაციების და მიტინგების დარბევაზე, მაგრამ ამ ყველაფერს შედეგი ამ დრომდე არ მოჰყოლია".
„არასამთავრობო ორგანიზაციებს ის ფაქტები გავაცანი, რაზეც დღეს დილით განვაცხადე. ჩვენ ისიც ავუხსენით მათ, რომ მზად ვართ, მტკიცებულებები გადავცეთ, რაც გაგვაჩნია, „სქრინშოტები“, რაც ადასტურებს ჩვენს მიერ გავრცელებულ ფაქტებს. ვერ დავასახელებთ სახელებსა და გვარებს, რადგან გამოძიება მიმდინარეობს.
იყო არასამთავრობოებებიდან იმაზე საუბარი, რომ ადრეც ჰქონდათ რეაქციები სიძულვილის ენაზე, თუნდაც ჩემი დემონსტრაციების და მიტინგების დარბევაზე, მაგრამ ამ ყველაფერს შედეგი ამ დრომდე არ მოჰყოლია.
ჩვენ გადავედით ერთი ნაბიჯით წინ, რაც შეიძლება იყოს დესტაბილიზაციის მომცველი და ძალიან მიუღებელი წინასაარჩევნო კამპანიის დროს.
ასევე გამოთქმული იყო სურვილი, ურთიერთობა გვქონდეს არასამთავრობო ორგანიზაციებთან, ასევე მისიებთან. ეს ყველასთვის საჭიროა, რომ უფრო მშვიდ მდგომარეობაში და გარემოში მივიდეთ არჩევნებამდე“,- განაცხადა ზურაბიშვილმა.
