მე არ ვემუქრები არცერთ ჯარისკაცს. პირიქით, ამ დილითაც ვთქვი, რომ გამაჩნია პატივისცემა ჯარისა და სამხედრო ძალების მიმართ. ეს ადამიანები კი, ვინც მუქარას ახორციელებენ, შეურაცხყოფენ ჩვენი სამხედრო ძალების ღირსებას, - ამის შესახებ "ქართული ოცნების" მხარდაჭერილმა საპრეზიდენტო კანდიდატმა სალომე ზურაბიშვილმა არასამთავრობო ორგანიზაციებთან შეხვედრის შემდეგ განაცხადა.
მისი განმარტებით, მტკიცებულებები არსებობს და გამოძიება უკვე დაწყებულია.
„მტკიცებულებები არის გადაცემული, გამოძიება მიმდინარეობს და ყველა ფაქტი დადგინდება ჩემს გარეშე. ასეთი კამპანია არ არსებობს სამხედროების მხრიდან, ეს არის ზოგიერთი პირისგან, რომელიც არის მართული ერთი საზღვარგარეთ მყოფი ადამიანისგან და ყველასთვის გასაგებია, თუ რა ტიპის კამპანიაა. ეს დიდი ხანია გრძელდება სხვადასხვა ფორმით. შეტევები მოდის ჩემს პერსონაზე და მრწამსზე და სწორედ ამ კუთხით ცდილობენ, რომ მომავალ მთავარსარდალს მიაყენონ შეურაცხყოფა, რაც არის მიუღებელი“, - განაცხადა ზურაბიშვილმა.
