პარლამენტის თავმჯდომარე ირაკლი კობახიძე ბიუროს დღევანდელ სხდომაზე სარალიძის მხარდამჭერ აქციაზე კარვების გაშლას გამოეხმაურა. მისი თქმით, შეკრების თავისუფლება ხელისუფლების ძლიერი მხარე,
„შეკრების თავისუფლება არ არის ჩვენი ოპონენტების ძლიერი მხარე, ყველამ კარგად ვიცით. შეკრების თავისუფლება რომ არის ჩვენი ძლიერი მხარე, ესეც კარგად ვიცით, ამაზე დისკუსია არ არის თქვენი მხრიდან მომგებიანი. ამიტომ არ შეიძლება ადამიანების შეცდომაში შეყვანა, ვითომ ვიღაცა, მით უმეტეს, "ბავშვის ბებია ახოხიალეს თურმე სახით" და ასეთი საუბრები“, - განაცხადა ირაკლი კობახიძემ.
შეგახსენებთ, რომ ზაზა სარალიძესა და მალხაზ მაჩალიკაშვილს რუსთაველის გამზირზე კარვის გაშლის საშუალებას არ აძლევდნენ. პოლიციასთან ერთ-ერთი დაპირისპირების დროს, სარალიძეს პოლიციელზე თავდასხმისთვის ბრალიც წარუდგინეს. 10 ნოემბერს აქცია "კარვებით ვიცავთ თავისუფლებას" გაიმართა, რაც ფიზიკურ დაპირისპირებაში გადაიზარდა. ზაზა სარალიძე და მისი დედა შეუძლოდ გახდნენ - ისინი საავადმყოფოში გადაიყვანეს. პოლიციის წინააღმდეგობის მიუხედავად, არასამთავროებმა და მოქალაქეებმა რუსთაველის გამზირზე 16 კარავი მაინც გაშალეს.
