„ფეიკნიუსის“ გავრცელების გამო თავდასხმის მსხვერპლი გავხდი, თითქოს, პატრიარქსა და ქართულ ეკლესიაზე რაღაც ვთქვი, - ამის შესახებ „ნაციონალური მოძრაობის“ წევრმა სალომე სამადაშვილმა სალომე ზურაბიშვილის დღევანდელ ბრიფინგთან დაკავშირებით განაცხადა.
მისი თქმით, მცდელობაა, რომ ზურაბიშვილმა საარჩევნო კამპანიის ფარგლებში ჭიქაში ქარიშხალი მოაწყოს.
„არც ერთი ჩვენგანისთვის სასიამოვნო არ არის, როცა გვემუქრებიან და ისეთ მესიჯებს გვწერენ, რომელიც მუქარის შემცველია. ზოგადად, ეს პრობლემა ბევრ ჩვენგანს აქვს. კონკრეტულ შემთხვევაში ვფიქრობ, რომ სალომე ზურაბიშვილის უფლებაა, საზოგადოება საქმის კურსში ჩააყენოს, თუმცა მცდელობაა, რომ ზურაბიშვილმა საარჩევნო კამპანიის ფარგლებში ჭიქაში ქარიშხალი მოაწყოს. მისი უფლებაა, რომ შესაბამისი მტკიცებულებები წარადგინოს და შესაბამის ორგანოებს მიმართოს”, – განაცხადა სამადაშვილმა.
ცნობისთვის, "ქართული ოცნების" მხარდაჭერილი პრეზიდენტობის კანდიდატის, სალომე ზურაბიშვილის განცხადებით, მას და მის შვილებს სიცოცხლის მოსპობით ემუქრებიან. მისივე თქმით, ბოლო დღეებში, კერძოდ, 9, 10 და 11 ნოემბერს მისი და მისი შვილების მისამართით განხორციელდა ესემეს და ხმოვანი შეტყობინებები, სადაც მისივე თქმით, ნათლადაა გამოთქმული სიცოცხლის მოსპობის მუქარა.
