იმედს გამოვთქვამ, რომ საპრეზიდენტო არჩევნების პირველ ტურში არსებული ხარვეზები მეორე ტურში აღმოიფხვრება, - ამის შესახებ აშშ-ს ელჩის მოვალეობის შემსრულებელმა ელიზაბეთ რუდმა განაცხადა.
მისი თქმით, ამერიკის შეერთებული შტატების საელჩო ეთანხმება ეუთო-ს დემოკრატიული ინსტიტუტებისა და ადამიანის უფლებების ოფისის სადამკვირვებლო მისიის შეფასებას, რომ არჩევნები თავისუფალ და გამჭვირვალე გარემოში ჩატარდა და ამომრჩეველს საშუალება ჰქონდა დაეფიქსირებინათ თავიანთი არჩევანი.
„თუმცა, ჩვენ ასევე ვეთანხმებით იმ განცხადებაში, რომ საარჩევნო პროცესში იყო გარკვეული ხარვეზები, რომელიც იმედი გვაქვს, რომ შემდეგ ტურზე აღმოიფხვრება და იქნება იმის შესაძლებლობა, რომ ამომრჩეველმა გააკეთოს თავისუფალი არჩევანი თავისუფალ გარემოში", - განაცხადა ელიზაბეთ რუდმა.
