პოლიტიკა არ შეიძლება იყოს ბიზნესი, აცხადებს პარტია „თეთრების“ ლიდერი თეიმურაზ შაშიაშვილი. მისი თქმით, რომ უნდა გაუქმდეს პარტიების დაფინანსება სახელმწიფო ბიუჯეტიდან და გამონთავისუფლებული თანხით, რაც მილიონობით ლარს წარმოადგენს, სახელმწიფომ უნდა დააფინანსოს სტუდენტების განათლება.
„2008 წელს, როცა სააკაშვილს პოლიტიკურად გაუჭირდა,მისმა პარლამენტმა მიიღო კანონი პარტიების ბიუჯეტიდან დაფინანსების შესახებ და 200 მლნ - ზე მეტი თანხა,ყოველწლიურად ხმარდება ამას. „თეთრები“ ვაცხადებთ, რომ პარტია უნდა ცხოვრობდეს საწევრო შენატანებით. ხოლო სახელმწიფოს ფული უნდა მოხმარდეს სტუდენტებს, რომელთა 70 % ძლივს იხდის განათლების გადასახადს. პარტია „თეთრები“, რომლის ბირთვს ინტელექტუალები შეადგენენ, მიიჩნევს, რომ სახელმწიფომ პრიორიტეტად უნდა აქციოს სწორედ განათლება. ჩვენ „თეთრებმა“ თავის დროზე გავაჟღერეთ ინიციატივა,რომ სტუდენტი განათლების გადასახადის მხოლოდ 10%-ს უნდა იხდიდეს, დანარჩენს უნდა აფინანსებდეს სახელმწიფო.“ - აცხადებს თეიმურაზ შაშიაშვილი.
