7 ნოემბერი ძალიან დიდი შეცდომა იყო, – ამის შესახებ „ევროპული საქართველოს“ ერთ-ერთმა ლიდერმა სერგი კაპანაძემ განაცხადა.
მისი თქმით, მნიშვნელობა არ აქვს, რამდენად გამართლებული იყო მაშინ კონკრეტული ქმედებები.
მისივე თქმით, საბოლოო ჯამში, მაშინდელმა ხელისუფლებამ თავის ქმედებაზე პოლიტიკური პასუხისმგებლობა აიღო, როდესაც გადადგა პრეზიდენტი და ახალი არჩევნები დაინიშნა. მისი თქმით, ხელისუფლება მათ შორის, ამის გამოც დამარცხდა 2012 წელს.
როგორც კაპანაძე აღნიშნავს, მაშინდელი გაკვეთილიდან ახლანდელი ხელისუფლება ვერაფერს სწავლობს.
„ყველაზე ცუდი ამ ისტორიიდან არის, რომ დღევანდელი ხელისუფლება ვერაფერს სწავლობს იმ გაკვეთილიდან. ახლა იყენებენ ამ ტრაგედიას, რომ მეორე ტურისთვის თავისი შანსები გაზარდონ. ეს კი, იმ ფონზე ხდება, როცა ზაზა სარალიძეს კარავსაც არ აშლევინებენ და ებრძვიან ამ ერთ ადამიანს. ეს არის ამ ხელისუფლების სახე“, – დასძინა სერგი კაპანაძემ, რომელმაც აქვე აღნიშნა, რომ ხელისუფლებას ეს არ უნდა ჩაედინა.
