ბიძინა ივანიშვილი ის ადამიანია, რომელიც მართვის სისტემას ეფექტურად დაალაგებს, - ამის შესახებ პარლამენტის ვიცე-სპიკერმა გია ვოლსკიმ "ქართული ოცნების" თავმჯდომარე ბიძინა ივანიშვილის მიმართვასთან დაკავშირებით განაცხადა.
მისი თქმით, ერთობის განცდამ ბოლო პერიოდში ძალიან მოიკოჭლა. მისივე თქმით, პარტიური მართვის სისტემა შეირყა და ვერტიკალია მოშლილი.
ვოლსკის განცხადებით, დღეს საუბარია საერთოდ რესურსების გაძლიერებაზე.
„მოსაგვარებელია ბევრი ის სამართლებრივი საკითხი, რაც "ქართულ ოცნებას" მძიმე მემკვიდრეობად ერგო. საჭიროა სწრაფი მოქმედებები, რასაც ხელისუფლება მოისაკლისებს. ბიძინა ივანიშვილი ის ადამიანია, რომელიც მართვის სისტემას ეფექტურად დაალაგებს“, - განაცხადა მან.
