თუ ხელისუფლება არ არის ძალიან აქტიურ კომუნიკაციაში თავის საზოგადოებასთან, ის კარგავს ადეკვატურობას, ის კარგავს მაჯის ცემას, შეგრძნებას, საზოგადოებას რა აწუხებს, შესაბამისად, შემდგომ დგება მძიმე შედეგები, - ამის შესახებ პარლამენტის ვიცე-სპიკერმა თამარ ჩუგოშვილმა ჟურნალისტებს განუცხადა.
მისი თქმით, არჩევნების მეორე ტურამდე მმართველი გუნდის წევრებს, დეპუტატებს, მინისტრებს ექნებთ ძალიან აქტიური შეხვედრები ამომრჩევლებთან, მოსახლეობასთან, მაგრამ მისივე თქმით, ეს არ შეიძლება იყოს მხოლოდ წინასაარჩევნოდ, ეს უნდა გაგრძელდეს მუდმივად.
"სხვანაირად ჩვენ ისევ შეგვექმნება საფრთხე, რომ ის შეგრძნებები, რაც მოსახლეობაში არის, დავკარგოთ, ამიტომ კომუნიკაცია უნდა იყოს მუდმივი", - განაცხადა ჩუგოშვილმა.
