თუ ადამიანს უნდა დაბოლდეს, დაბოლდეს, – ამის შესახებ ყოფილმა პრეზიდენტმა მიხეილ სააკაშვილმა „ფეისბუქზე“ გავრცელებული ვიდეომიმართვისას განაცხადა.
მისი თქმით, შვეიცარიაშია კარგი გამოცდილება, როგორ უნდა მოხდეს სოციალური მეთოდებით, ჯანდაცვის მეთოდებით, წახალისებით ნარკომანიისგან განკურნვა.
„შვეიცარიაში იყო ჰეროინის ძალიან დიდი პრობლემა და არის შემცირებული, რა თქმა უნდა, ყოველგვარი ძალდატანების გარეშე. ეს ჯდება ფული, მაგრამ ციხეებში ხალხის შენახვა ნამდვილად არ არის სწორი, ისიც ფული ჯდება. ჯობია, ეს ხალხი საზოგადოების აქტიური წევრი იყოს, ვინც მძიმე ნარკოტიკების აქტიური მომხმარებელია. რაც შეეხება მსუბუქ ნარკოტიკებს, თუ ადამიანს უნდა დაბოლდეს, დაბოლდეს. ნამდვილად არ გამიხარდება, ჩემი შვილი, რომელსაც ახლა ხელში უჭირავს კამერა, დაბოლდეს და მარიხუანას ეწეოდეს. მე ამას არ დავუშვებ, მაგრამ ვისაც უნდა, დაბოლდეს, ეს მათი პრობლემაა და არა ჩვენი“, – განაცხადა სააკაშვილმა
