გამარჯვებას გილოცავთ ჩემო ძვირფასებო, გავიმარჯვეთ, ფული ვერ იყიდის იმ სიმართლეს, რა სიმართლითაც ჩვენ მოვდივართ და ეს დაამტკიცა ქართველმა ხალხმა. დიდი მადლობა საქართველოს თითოეულ მოქალაქეს. საქართველოს არ იყიდება, ჩვენ არ ვიყიდებით ფული ვერ იყიდის ვერასდროს ჩვენ მომავალს, - ამის შესახებ გაერთიანებული ოპოზიციის საპრეზიდენტო კანდიდატის საარჩევნო შტაბის უფროსმა გიორგი ვაშაძემ ქუთაისში განაცხადა.
მისი თქმით მიუხედავად იმ სკეპტიციზმისა, რომელიც წინასაარჩევნო პერიოდში იყო, რომ ხელისუფლება არჩევნებს მაინც გააყალბებს, 28 ოქტომბერმა დაადასტურა, რომ ფულით ხმები „ქართულმა ოცნებამ“ მაინც ვერ იყიდა.
მისივე თქმით, 28 ოქტომბერს გრიგოლ ვაშაძემ გაიმარჯვა და იმ ხმებს, რომელიც მოიპარა „ქართულმა ოცნებამ“ მეორე ტურში ვეღარ მოიპარავს.
„არჩევნების მერე დღეს საოცრება მოხდა. გამოვარდნენ სუყველა და დაიწყეს, რომ ჩვენ ხალხმა გაფრთხილება მოგვცა, გავიგეთ რაც გვინდოდა და მეორე მხრივ ახალქალაქში ჩაიდინეს ამხელა ბოროტება. ჩვენს თანაგუნდელებს თავს დაესხნენ თავპირი დაამტვრიეს. უნდოდათ რომ ამ პროვოკაციას ჩვენ წამოვგებოდით. მანამდე იყო მარნეული, კასპი. არ წამოვეგებით არც ერთ თქვენ პროვოკაციაზე. ხალხი არის ჩვენსკენ, ხალხი დგას ფეხზე“, - განაცხადა გიორგი ვაშაძემ.
მისივე თქმით, შურისძიების დრო არ არის.
"სად გვცალია იმისთვის, რასაც ისინი საუბრობენ. ერთი სული გვაქვს დავიწყოთ საქმის კეთება", -დასძინა გიორგი ვაშაძემ.
