საპრეზიდენტო არჩევნების მეორე ტურთან დაკავშირებით "ევროპული საქართველო" თბილისსა და რეგიონებში შეხვედრებს მართავს.
პარტიის წევრები დღეს გლდანის რაიონული ორგანიზაციის წარმომადგენლებს შეხვდნენ.
"ევროპული საქართველოს" წევრის, სერგო რატიანის განცხადებით, "ევროპული საქართველო" მუშაობს იმისთვის, რომ დამარცხდეს ივანიშვილის კანდიდატი და მოხდეს კორუმპირებული რეჟიმის დემონტაჟი.
„საზოგადოებას უკვე მოეხსენება, რომ მეორე ტურში დავით ბაქრაძე და შესაბამისად ევროპული საქართველო მხარს უჭერს გაერთიანებული ოპოზიციის კანდიდატს გრიგოლ ვაშაძეს. შესაბამისად ჩვენ ხვდებით ჩვენს პარტიულ ორგანიზაციებს, ვმუშაობთ იმისთვის, რომ ივანიშვილის კანდიდატი დამარცხდეს და მოხდეს კორუმპირებული რეჟიმის დემონტაჟი“, - განაცხადა სერგო რატიანმა.
