ხელისუფლება დარწმუნდა, რომ კანაფის კულტივაციის კანონპროექტი საზოგადოებისთვის საშიშია, – ამის შესახებ პატრიარქის მდივანმა მამა მიქაელ ბოტკოველმა პარლამენტის თავმჯდომარის, შს მინისტრისა და პატრიარქის შეხვედრის შემდეგ განაცხადა.
მისი თქმით, მთავრობის წევრემა კანონპროექტის გაწვევის არგუმენტად დაასახელეს, რომ მათ დაინახეს საზოგადოების რეაქცია და ეკლესიის პოზიცია.
„ხელისუფლებამ გადაწყვიტა, რომ ჩვენთან კიდევ ერთხელ გაევლო კონსულტაციები და ხელისუფლების მაღალი თანამდებობის პირები საპატრიარქოში მობრძანდნენ, შეხვდნენ მის უწმინდესობას. ხელისუფლება დარწმუნდა, რომ ეს არის საზოგადოებისათვის საშიში, მათ დაინახეს ის ძალისხმევა, რომელსაც ეკლესია აქამდე ახორციელებდა და დაინახეს საზოგადოების პოზიცია. შევთანხმდით და პატრიარქთან მათ განაცხადეს, რომ უკან წაიღებენ კანონპროექტს. არგუმენტად დაასახელეს, რომ მათ დაინახეს საზოგადოების რეაქცია, ეკლესიის პოზიცია და ისინი ამ ყველაფერს ანგარიშს გაუწევენ”, – განაცხადა მიქაელ ბოტკოველმა.
