იყო გარკვეული ხარვეზები, რამაც არჩევნების შედეგი განაპირობა, - ამის შესახებ „ქართული ოცნების“ ცენტრალურ ოფისთან რუსთავის მაჟორიტარმა დეპუტატმა პაატა მხეიძემ განაცხადა, რომელიც პარტიის ოფისში მმართველი გუნდის ლიდერებსა და მაჟორიტარ დეპუტატებთან შეხვედრას ესწრება.
მისი თქმით. შეხვედრებზე წინასაარჩევნო კამპანიის გაანალიზება მოხდება.
„იყო გარკვეული ხარვეზები, რამაც განაპირობა აღნიშნული შედეგი. ვიმსჯელებთ ამ ხარვეზების აღმოფხვრის გზებზე. საკმაოდ მობილიზებულია აქტივი და ვფიქრობთ, რომ დავდებთ იმ შედეგს, რაც სჭირდება საქართველოს.
იყო ხალხთან საუბარი, თუმცა როგორც ჩანს არასაკმარისი. ხალხს ჰქონდა სწრაფი მოლოდინი იმ სიკეთეების, რომელსაც ქმნის „ქართული ოცნება“. ზოგიერთ შემთხვევაში, ეს სიკეთეები სწრაფად არ აისახა იმ კეთილდღეობაზე, რაც მაცივრის გამოღებასთან და სხვა დანარჩენთან არის დაკავშირებული. ამიტომ, კომუნიკაცია გვექნება ყველა ჩვენს მოსახლესთან, ყველა მცხოვრებთან“, – განაცხადა მხეიძემ.
