ხორავას ქუჩაზე მოკლული დავით სარალიძის მამა, ზაზა სარალიძე პატიმრობიდან გაათავისუფლეს. აღნიშნული ინფორმაცია "ჯი-ეიჩ-ენს" პროკურატურაში დაუდასტურეს.
როგორც უწყებაში აცხადებენ, სარალიძეს ბრალი ოფიციალურად დღეს წარედგინა საქართველოს სისხლის სამართლის კოდექსის 353 პრიმა მუხლის პირველი ნაწილით.
აღკვეთის ღონისძიების სახით გირაოს გამოყენების შუამდგომლობით პროკურატურა სასამართლოს უახლოეს დღეებში მიმართავს. ის სასამართლოს ჩანიშვნამდეა გათავისუფლებული.
ცნობისთვის, სარალიძე სამართალდამცავზე თავდასხმის ბრალდებით, სსკ-ის 353-ე პრიმა მუხლით დააკავეს. ის სასწრაფო სამედიცინო დახმარების ჯგუფმა ინგოროყვას კლინიკაში შინაგან საქმეთა სამინისტროდან გადაიყვანა, სადაც სარალიძე შეუძლოდ გახდა. ის ამ დრომდე კლინიკაში იმყოფება.
