მუდმივად უტარებენ გამოკვლევებს. რაც შეეხება ბრალის წარდგენას, სავარაუდოდ ხვალ უნდა იყოს, მაგრამ ამაზე ჯერ დეტალური ინფორმაცია არ მაქვს, - ამის შესახებ ზაზა სარალიძის ადვოკატმა, ნესტან ლონდარიძემ განაცხადა.
მისი განმარტებით, ზაზა სარალიძეს ყველა პირობა აქვს შექმნილი იმისთვის, რომ ჯანმრთელობის მდგომარეობა დარეგულირდეს.
"სამართლებრივად მივყვებით პროცედურებს, თუმც მე როგორც ადვოკატი, ვიტოვებ უფლებას, არ ვისაუბრო დეტალურად, რას ვაპირებთ და რა იქნება ჩვენი პოზიცია.
„ევროპული საქართველოს“ ინიციატივაზე გვექნება მსჯელობა მას შემდეგ, რაც ბრალი წარედგინება და აღკვეთის ღონისძიებაზე შეგვეძლება მსჯელობა“, – განაცხადა ნესტან ლონდარიძემ.
ცნობისთვის, ზაზა სარალიძე სამართალდამცავებზე თავდასხმის ბრალდებით, სსკ-ის 353-ე პრიმა მუხლით 26 ოქტომბერს დააკავეს. დაკავების შემდეგ ზაზა სარალიძე შეუძლოდ გახდა და ის სასწრაფო სამედიცინო დახმარების ჯგუფმა ინგოროყვას კლინიკაში გადაიყვანეს. ინციდენტი პოლიციელებსა და სარალიძეს შორის მაშინ დაიწყო, როდესაც აქციის მონაწილეები კარვის გაშლას ცდილობდნენ, რისი საშუალებაც პოლიციამ არ მისცა.
