„რუსთავი 2“ ვერ და არ ასრულებს იმ ფუნქციას, რაც მედიას ევალება, - ამის შესახებ "ქართული ოცნების" თავმჯდომარე ბიძინა ივანიშვილმა ჟურნალისტებთან შეხვედრაზე განაცხადა.
მისი თქმით, მედიას აქვს უდიდესი უფლებები და ვალდებულებებიც, რომ მაქსიმალურად აკონტროლოს ხელისუფლება.
„მედიას აქვს უდიდესი უფლებები და ვალდებულებებიც, რომ მაქსიმალურად აკონტროლოს ხელისუფლება, კრიტიკული იყოს ხელისუფლებისადმი და მთავრობის მეთაური იქნება პარლამენტის, თუ პარტიის თავმჯდომარე, აუცილებლად მყისიერი რეაქცია უნდა გააკეთოს, თუ იკვეთება თანამდებობის პირების კორუფცია”, – განაცხადა ივანიშვილმა.
